Göreldeli bilim merkezi mekdep ýolbaşçylaryny, direktorlary we ene-atalar komitetlerini okuwçylar üçin IT we robototehnika boýunça mugt geçiriljek ussatlyk sapaklaryny guramakda hyzmatdaşlyga çagyrýar.

Sapaklaryň dowamynda çagalar Tinkercad we Scratch wizual taslama gurşawlaryny özleşdirerler, şeýle hem häzirki zaman tehnologik önümçilikde möhüm gurallaryň biri bolan 3D-printeriň gurluşy we işleýşi bilen tanyşarlar.

Guramaçylaryň bellemegine görä, taslamanyň esasy maksady — çagalary programmalaşdyrmagyň we robotlary modelirlemegiň esaslary bilen tanyşdyrmak, sanly tehnologiýalara bolan gyzyklanmalaryny ösdürmek hem-de häzirki zaman IT çözgütleriniň işleýiş ýörelgelerine düşünje döretmekdir.

— Biz mekdepler bilen hyzmatdaşlygy ýola goýmagy we okuwçylara IT hem-de robototehnika ugurlarynda döwrebap bilimlere elýeterlilik döretmegi maksat edinýäris — diýip, merkezde bellediler.

Ussatlyk sapaklary giň köpçülige niýetlenendir: okuwçylaryň ýaşyna garamazdan islendik mekdep gatnaşyp biler.

Merkez şu salgyda ýerleşýär: Aşgabat şäheri, Atatürk köçesi, j. 61.

Goşmaça maglumatlary almak we gatnaşmagy guramak üçin telefon belgileri:

+99371141780

+99371141781

486120

486145

486143

Sosial ulgamlardaky sahypa: Boom Kids.