Girmek
Şweýsariýaly we ABŞ-ly alymlar «RAVEN» (iňlisçe garga) at berlen, hakyky gargalar ýaly böküp uçmagy başarýan guş-robot döretdiler.
Ýaýjykly aýaklary bolan robot ýöräp, ýerde bökmegi başarýar, bu bolsa, oňa dürli wezipeleri ýerine ýetirmäge mümkinçilik berýär. Bu barada «Nature» žurnalynda çap edilen makala salgylanýan «Gazeta.ru» ýazýar.
Alymlaryň döreden «RAVEN» robotynyň hereketsiz ganatlary we V-görnüşli guýrugy bolup, uçuş çüňküň ornunda ýerleşýän perleriň hasabyna amala aşyrylýar. Robot böken dessine perler herekete gelip, asmana göterilýär. Alymlar şeýle uçuşyň ganatlaryň kömegi bilen amala aşyrylýan uçuşdan az güýç sarp edýändigini belleýärler.
Robot-garga geljekde barmasy kyn ýerlerde, halas ediş işlerinde we çylşyrymly tebigy şertlerdäki işlerde peýdalanylyp bilner.
Tebigat bilen häzirki zaman tehnologiýalarynyň utgaşdyrylmagy geljekde robot tehnikasy babatda özboluşly çözgütleri döretmäge mümkinçilik berer diýip, alymlar belleýärler.