Türkmenistanyň futbol boýunça 17 ýaşa çenli ýetginjekler ýygyndysynyň Ahmed Allaberdiýewiň ýolbaşçylygyndaky tälimçiler düzümi ýygyndy toparyň Täjigistanyň Duşanbe şäherinde 17-24-nji awgust aralygynda geçiriljek Merkezi Aziýanyň Futbol assosiasiýasynyň çempionatyna gatnaşjak düzümini kesgitledi.
Ýygyndy toparyň düzüminde 23 futbolçy, şol sanda 3 derwezeçi, 8 goragçy, 9 ýarymgoragçy we 3 hüjümçi bar diýip, Türkmenistanyň Futbol federasiýasy habar berýär.
Ýetginjekleriň arasynda MAFA-2024 çempionatyna sebitiň 6 döwletiniň-Owganystanyň, Eýranyň, Gyrgyzystanyň, Täjigistanyň, Türkmenistanyň we Özbegistanyň ýygyndylary gatnaşýar.
Ýaryşyň ähli duşuşyklary Duşanbe şäherindäki Merkezi respublikan stadionynda geçiriler. Bije çekişligiň netijesinde "B" toparça düşen Türkmenistanyň ýygyndysy 17-nji awgusta Özbegistanyň, 19-njy awgustda Eýranyň ýygyndylary bilen güýç synanyşar.
Türkmenistanyň ýetginjekler ýygyndysynyň MAFA-2024-de düzümi:
Derwezeçiler: Izat Erkinow, Atajan Ruslanow, Gökbatyr Myradow;
Goragçylar: Gurbangeldi Kanaýew, Hajymuhhammet Durdykakaýew, Kakamyrat Babaýew, Mikail Saparmuradow, Dawut Meredow, Ruslan Ýaýlymow, Eziz Myradlyýew, Orazýargylyç Orazow;
Ýarymgoragçylar: Muhammedaly Nasyrow, Medet Muhammedmuradow, Hudaýnazar Meredow, Begenç Wepalyýew, Süleýmannazar Gowşudow, Ýunus Kalinow, Ýagmyr Hojyýew, Emirhan Mätgurbanow, Annamuhammet Rejepow;
Hüjümçiler: Arslan Wepaýew, Weýsgeldi Orazdurdyýew, Mikael Stepanýan.
Tälimçiler düzümi:
Baş tälimçi: Ahmet Allaberdiýew
Toparyň Ýolbaşçysy: Muhammetgeldi Ýusupow
Toparyň lukmany: Dawud Babaýew
Tälimçi: Ahmet Agamuradow
Tälimçi: Daýançgylyç Orazow
Tälimçi: Aleksandr Sidorow
Derwezeçileriň tälimçisi: Nariman Garajew
Administrator: Kiçigul Kiçigulow.
