Türkmenistanda
2. Elektroenergetika ministri Ziad Ali Fadeliň ýolbaşçylygyndaky Yragyň wekiliýeti «Türkmenistanyň nebit we gazy – 2023» atly halkara maslahatyna we sergisine gatnaşar. Yrak ministri forumyň umumy mejlisinde çykyş eder we iki döwletiň arasyndaky özara bähbitli gatnaşyklaryň barşyny hem-de mundan beýläk-de hyzmatdaşlyk etmegiň mümkinçiliklerini ara alyp maslahatlaşar.
3. «Diyar» žurnaly döredijilik bäsleşigini yglan etdi, onuň çäklerinde alaja bagyşlanan edebi we žurnalistik tekstler gözden geçiriler. Gatnaşyjylar öz eserlerini türkmen halkynyň alaja örmek sungatyna bolan söýgüsini beýan edýän dürli žanrlarda hödürläp bilerler.
4. Türkmenistanyň Içeri işler ministrliginiň Döwlet ýangyn howpsuzlygy gullugy Mary welaýatynyň Şatlyk şäherinde ýurduň ýangyn söndürijileriniň arasynda bäsleşik gurady we geçirdi. Ýeňiji bolan toparlara hormat hatlary we gymmat bahaly sowgatlar gowşuryldy.
5. Oktýabryň soňky günlerinde Aşgabatda adatdan daşary ýyly howa garaşylýar. Şäherdäki howa käbir günlerde +30 gradusa çenli gyzyp biler. Şu hepde duşenbe, çarşenbe we penşenbe günleri salkyn bolar. Türkmen paýtagtynda anna, şenbe we ýekşenbe günleri has yssy bolar.
6. Türkmenistanyň Döwlet daşary ykdysady iş bankynyň başlygy Rahymberdi Jepbarow Er-Riýadda Saud ösüş gaznasynyň baş direktory bilen duşuşdy. Duşuşygyň dowamynda taraplar Türkmenistanyň dürli möhüm ykdysady taslamalaryny ilerletmek maksady bilen, maýa goýum hyzmatdaşlygyny pugtalandyrmagyň meselelerini ara alyp maslahatlaşdylar.
Dünýäde
7. «Ehang» hytaý kompaniýasy dünýäde ilkinji bolup özüniň uçarmansyz aerotaksisi üçin resmi güwänama aldy. Uçýan enjamda iki oturgyç bar we agramy 220 kilograma çenli ýük göterip bilýär. Aerotaksiniň iň ýokary tizligi sagatda 130 km, uçuş aralygy bolsa 30 kilometre deňdir.
8. Müsürde aýal faraona degişli hasaplanýan kaşaň mazar tapyldy. Arheologlar mazaryň ýaşynyň takmynan 5 müň ýyla deňdigini çaklaýarlar. Arheologlar bu gubur Müsüriň taryhynda ilkinji aýal faraon bolan Meret-Neýte degişlidir diýip pikir edýärler. Ol b.e. öňki 3000-nji ýyllarda adamsy Jet ölenden soň häkimiýete gelipdir.
Sport habarlary
9. «Arkadag» Türkmenistanyň futbol çempionatynyň 2023-nji möwsüminiň ikinji aýlawynyň ýeňijisi boldy, topar 45 utuk toplap, ikinji orundaky «Altyn asyrdan» on utuk öňde barýar. Dynç güni Ýokary liganyň 11-nji tapgyrynyň senesi yza süýşürilen oýny geçirildi, onda «Arkadagyň» futbolçylary 3:0 hasabynda «Merwden» ynamly üstün çykdylar. Türkmenistanyň futbol çempionatynyň üçünji aýlawy 29-njy oktýabrda başlar.
10. Belorussiýanyň futbol çempionatynyň 25-nji tapgyrynyň oýnunda «Energetika-BGU» belorus toparynyň türkmen goragçysy Wepa Jumaýew ýardam pasy bilen tapawutlandy. Jumaýewiň assisti toparyna Brestiň «Dinamosyny» 2:0 hasabynda ýeňmäge kömek etdi.
11. Islam Mahaçew Abu-Dabide geçirilen «UFC 294» ýaryşynda awstraliýaly Aleksandr Wolkanowskiden üstün çykdy. Agşamyň esasy wakasyna öwrülen söweş birinji raundyň başynda wagtyndan öň tamamlandy.
