Türkmenistanyň Senagat we gurluşyk önümçiligi ministrligi ýurduň dürli künjeklerinde ýerleşýän 27 kärhanany özüne birleşdirýär. Senagat taýdan ösen sebitleriň biri bolan Balkan welaýatynda hem ministrligiň üç kärhanasy işleýär: «Balkan» sement zawody we Balkanyň kän müdirligi.
Kärhanalarda sement, şeben, gum, gips, gurluşyk heki ýaly soňlugy bilen senagat we durmuş maksatly desgalaryň gurluşygynda ulanylýan esasy gurluşyk materiallary öndürilýär.
«Balkan» sement zawody Balkanabat şäheriniň golaýyndaky Jebel şäherçesinde ýerleşýär. Kärhana 2011-nji ýylda açylyp ulanmaga berildi. Bu ýerde seýsmiki çydamly gurluşykda giňden ulanylýan portland sementi öndürilýär. Zawodyň taslama kuwwaty — ýylda 1 million tonna önüme ýetýär.
Türkmenbaşy etrabynda ýerleşýän Balkan kän müdirligi (kärhananyň ýyllyk kuwwaty 3 million 181 müň kub metre barabar) Türkmenistanyň gurluşyk pudagyny dürli görnüşli şebel, çagyl-gum garyndysy, gum, daşlar, şeýle hem sebitiň çig mal ýataklaryndan gazylyp alynýan gips, kaolin, gurluşyk heki we beýleki materiallar bilen üpjün edýär.
Kärhanalaryň önümlerine Türkmenistanyň ähli ýerlerinde, şeýle-de goňşy döwletlerde giňden isleg bildirilýär.
Türkmenistanyň Senagat we gurluşyk önümçiligi ministrligi şu salgyda ýerleşýär: Türkmenistan, Aşgabat ş., Arçabil şaýoly, 132-nji jaý.
Faks: (+993 12) 39 00 94; (+993 12) 39 00 88.
Telefon belgileri: (+993 12) 39 00 33; (+993 12) 39 00 01.
Elektron poçta salgysy: industry@sanly.tm
Şeýle-de okaň:
