Sport göreşi boýunça Türkmenistanyň ýetginjekler ýygyndysy Türkiýede geçirilýän dünýä çempionatyna gatnaşar. Bu barada ORIENT habar berdi.
Türkmen ýygyndysynyň düzüminde 12 türgen bar. Olaryň ýedisi ― Azymberdi Aşyrgulyýew, Azatberdi Aşyrgulyýew, Bekjan Ruslanow, Arslan Mämişow, Alp Arslan Begenjow, Döwletgeldi Myradow we Süleýman Musagulyýew dagylar erkin göreş boýunça ýaryşlara gatnaşarlar.
Bäş türgen ― Maksat Seýitliýew, Husniddin Ulugbekow, Baýramgeldi Ýagmyrow, Kemal Kakabaýew, Taşlyk Ýunusow dagylar bolsa grek-rim göreşi boýunça tutluşyklarda Türkmenistana wekilçilik ederler.
17 ýaşa çenli türgenleriň arasyndaky dünýä çempionaty 6-njy awgustda tamamlanar. Türkmen türgenleri dünýä çempionatyna eýranly tälimçi, erkin göreş boýunça dünýäniň iki gezek çempiony Reza Ýazdaniniň ýolbaşçylygynda taýýarlandylar.
