Girmek
Ispaniýaly tennisçi Karlos Alkaraz öz karýerasynsa ilkinji gezek «Uimbldon» «uly tuwulgasynyň» çempiony boldy. Ol ýekşenbe güni geçirilen final oýnunda serbiýaly Nowak Jokowiçden üstün çykdy. 4 sagat 45 minut dowam aýgytlaýjy oýun 1:6, 7:6, 6:1, 3:6, 6:4 hasabynda Alkarazyň ýeňşi bilen tamamlandy. Oýnuň dartgynly geçendigine ýekeje mysal hökmünde üçünji setiň bäşinji geýminiň 27 minut dowam edendigini hem görkezmek bolar.
Şeýlelikde, dünýäniň birinji raketkasy Karlos Alkaraz «Uimbldonyň» 2023-nji ýyldaky çempiony bolup, ATP reýtingindäki liderligini has-da pugtalandyrdy.
Ýeri gelende bellesek, 20 ýaşly ispaniýaly tennisçi çempionlyk arkaly 2000 reýting utugyna hem-de 2 million 350 müň funt-sterling pul baýragyna eýe çykdy.