Girmek
Ozal habar berşimiz ýaly, Hytaý Halk Respublikasynyň Başlygy Si Szinpiniň çagyrmagy boýunça Türkmenistanyň Prezidenti Serdar Berdimuhamedow 2023-nji ýylyň 5-6-njy ýanwary aralygynda Hytaýda döwlet sapary bilen boldy.
Şu gün Türkmenistanyň daşary işler ministri Raşid Meredow Hytaý Halk Respublikasynyň wise-premýeri Han Çžen bilen duşuşdy.
«Sinhua» hytaý habarlar gullugynyň habar bermegine görä, Han duşuşygyň barşynda döwlet Baştutanlarynyň gatnaşmagynda gazanylan möhüm ylalaşyklary durmuşa geçirmek we türkmen-hytaý hyzmatdaşlygyny täze derejä çykarmak üçin Türkmenistan bilen işleşmäge taýýardygyny aýtdy.
Hytaý Halk Respublikasynyň wise-premýeri, esasan hem energetika hyzmatdaşlygynda täze ädimleriň zerurdygyny aýtdy. Han howpsuzlyk ulgamynda hyzmatdaşlygy yzygiderli ösdürmäge, iki halkyň arasyndaky uzak möhletleýin gatnaşyklary berkitmäge we giňeltmäge çagyrdy.
R.Meredow Türkmenistan bilen Hytaýyň arasynda ikitaraplaýyn gatnaşyklary täze derejä çykaran giňişleýin strategiki hyzmatdaşlygyň ýola goýlandygyny belledi. Şeýle hem Türkmenistanyň daşary işler ministri türkmen tarapynyň dürli ugurlarda ikitaraplaýyn hyzmatdaşlygy çuňlaşdyrjakdygyny aýtdy.
Şeýle-de okaň: