Ozal habar berşimiz ýaly, şu gün Pekin şäherinde Türkmenistanyň Prezidenti bilen Hytaý Halk Respublikasynyň başlygy Si Sizinpiniň arasynda gepleşikleri geçirildi.
«Sinhua» hytaý habarlar gullugynyň habar bermegine görä, gepleşikleriň barşynda taraplar Türkmenistanyň we Hytaýyň arasynda gaz boýunça hyzmatdaşlygyň möhümdigini belläp, toplumlaýyn hyzmatdaşlygyň bu ugrunda – önümçilikde, turbageçirijiler boýunça akdyrmakda, söwdada, maliýeleşdirmekde we tehniki üpjünçilikde degişli taslamanyň döredilendigini nygtadylar. Bellenilişi ýaly, Türkmenistan we Hytaý energetika babatda hakyky strategik hyzmatdaşlar bolup durýarlar. Birek-birege düşünişmek, özara bähbitli ýörelgelere eýerip, taraplar mundan beýläk-de hereket edýän şertnamalary doly ýerine ýetirerler, gaz hyzmatdaşlygy boýunça gepleşikleri ilerlederler, «Galkynyş» gaz känini senagat taýdan işläp geçmegiň ikinji tapgyryny, Türkmenistan — Hytaý gazgeçirijisiniň D ulgamynyň gurluşygyny we beýleki bilelikdäki iri taslamalary amala aşyrmagy çaltlandyrarlar, gaz senagatynda hyzmatdaşlygy işjeňleşdirerler.
Şeýle-de okaň:
- Serdar Berdimuhamedow bilen Si Szinpiniň arasynda gepleşikler geçirildi
- Türkmen ― hytaý gepleşikleriniň çäklerinde 16 resminama gol çekildi
- Şu gün türkmen-hytaý diplomatik gatnaşyklarynyň ýola goýulmagyna 31 ýyl bolýar
- Türkmenistanyň we Hytaý Halk Respublikasynyň Bilelikdäki Beýannamasy
- Serdar Berdimuhamedow Si Szinpini Türkmenistana sapar bilen çagyrdy
