Girmek
12-13-nji oktýabr aralygynda Türkmenistanyň Mary welaýatynda ýapon medeniýetiniň günleri geçirildi.
Medeni çäre Türkmenistan bilen Ýaponiýanyň arasyndaky diplomatik gatnaşyklaryň ýola goýulmagynyň 30 ýyllygyna bagyşlanan meýilleşdirilen çäreleriň çäginde geçirildi.
12-nji oktýabrda Marynyň «Belent» söwda merkeziniň restoranynda «maki-zusi» taýýarlanylyşy görkezildi. Çäräni ilçiniň Aşgabat rezidensiýasynyň resmi aşpezi Maçida Hiroýuki alyp bardy.
Şol gün agşam «Belent» söwda merkeziniň kinoteatrynda ýapon kinosynyň festiwaly geçirildi, onuň dowamynda 2 sany çeper film görkezildi. Festiwala gatnaşyjylaryň öňünde Ýaponiýanyň Türkmenistandaky Adatdan daşary we Doly ygtyýarly ilçisi Ýamamoto Hiroýuki çykyş etdi.
13-nji oktýabrda Mary welaýatynyň Kemine adyndaky döwlet drama teatrynda «Masuri-30» çäresi geçirildi. Onuň dowamynda myhmanlar ýapon medeniýetiniň aýratynlyklary bilen tanyşmaga mümkinçilik aldylar.
14-nji oktýabrda hem-de şu gün şeýle çäreler Aşgabat şäheriniň ýaşaýjylary üçin guraldy.
Ozal habar berşimiz ýaly, Ýaponiýanyň Aşgabatdaky ilçisi Ýamamoto Hiroýuki we Türkmenistanyň Ministrler Kabinetiniň Başlygynyň orunbasary Mährijemal Mämmedowa meýilleşdirilen medeni çäreleri geçirmek bilen bagly meýilnamalary ara alyp maslahatlaşypdylar.
Ozal ýapon medeniýetiniň günleriniň Türkmenabatda geçirilendigini habar beripdik.