Özbegistan syýahatçylar üçin ozal koronawirus pandemiýasy bilen baglylykda girizilen çäklendirmeleriň ählisini ýatyrýar. Bu barada Özbegistanyň Türkmenistandaky diplomatik wekilligi metbugat beýanatynda ýazýar.
10-njy iýundan başlap, Özbegistanyň çägine ulaglaryň dürli görnüşleri — howa gatnawy arkaly we demir ýol ulaglary bilen girmek mümkinçiligi we saglyk çäklendirmeleri açylar.
Şeýle-de, indiden başlap ýurtda daşary ýurtdan gelýänlerden koronawirus barlagynyň otrisatel netijesi, ekspress barlag, PCR barlagy, bu babatdaky şahadatnama ýa-da pasport talap edilmez.
Bu hili çözgüdiň Özbegistanda koronawirusyň ýaýramagynyň depgininiň, şeýle hem ýurtdaky epidemiologiki ýagdaýa, BSGG-niň we Syýahatçylyk we medeni miras ministrliginiň tekliplerine esaslanyp kabul edilendigi bellenilýär.
