2022-nji ýylyň 29-njy aprelinde «Türkmenistan» awiakompaniýasy Moskwa — Türkmenabat ugry boýunça ýörite uçar gatnawyny amala aşyrmagy meýilleşdirýär. Bu barada atavatan-turkmenistan.com web saýtynda habar berilýär.

Biz «Turkmenportal» web saýtymyzda mundan ozal Russiýa Federasiýasynyň Türkmenistandaky ilçihanasynyň şu ýylyň 29-njy aprelinde Aşgabat — Moskwa ugry boýunça, şeýle-de Turkish Airlines awiakompaniýasynyň 1-nji maýda Türkmenbaşy — Stambul ugry boýunça ýörite uçar gatnawlary amala aşyrmagy meýilleşdirýändigini habar beripdik.

«Türkmenistan» awiakompaniýasy tarapyndan 29-njy aprelde Moskwa — Türkmenabat ugry boýunça guraljak ýörite uçardan Russiýada ýaşaýan Türkmenistanyň raýatlary peýdalanyp bilerler.