Türkmenistanyň IIM-niň Awtosport merkezinde belli estrada aýdymçylarynyň, türgenleriň we sagdyn durmuş ýörelgesine eýerýän köp sanly ildeşlerimiziň gatnaşmagynda köpçülikleýin çäre guraldy.
Bu ýerde geçirilen konsert aýdym-sazyň we sportuň, olaryň özara sazlaşygynyň baýramyna öwrüldi. Artistleriň we ýaş türgenleriň çykyşlary bir-biriniň üstüni ýetirdi.
Döredijilik çäresi ýurtda geçirilýän “sagdynlyk we bagtyýarlyk” biraýlygyň ýatda galyjy wakalarynyň birine öwrülip, ruhy we beden berkliginiň häzirki zaman türkmen jemgyýetinde näderejede ileri tutulýandygyny alamatlandyrdy.
