Belarusyň howa gatnadyjysy Belawia 2026-njy ýylyň 31-nji martyndan başlap Minsk — Türkmenbaşy ugry boýunça tomusky uçuş tertibine geçýär. Täze uçuş tertibine laýyklykda uçar gatnawlary 2026-njy ýylyň 24-nji oktýabryna çenli amala aşyrylar.

B2 0745 belgili uçuş sişenbe we şenbe günleri ýerine ýetiriler: Minskden uçuş sagat 22:50-de amala aşyrylar, Türkmenbaşy şäheriniň howa menziline ertesi güni sagat 04:55-de gonar. Uçuşyň dowamlylygy takmynan 4 sagat 10 minutdyr. Bu gatnawy ýerine ýetirmek üçin Embraer 195 uçary ulanylýar.

Yza dolanýan B2 0746 belgili uçuş Türkmenbaşy — Minsk ugry boýunça çarşenbe we ýekşenbe günleri sagat 05:55-de amala aşyrylar, Belarusyň paýtagtyna uçar sagat 08:05-de gelip gonýar. Uçuşyň dowamlylygy takmynan 4 sagat 10 minutdyr.

Tomusky uçuş tertibi boýunça ilkinji uçar gatnawy Minsk şäherinden 31-nji martda amala aşyrylar.