Bangladeşiň merkezi böleginde 40 töweregi ýolagçyly awtobus Padma derýasyna gaçdy, 18 adam pida boldy diýip, «The Daily Star» gazetine salgylanýan «rg.ru» habar berdi.

Heläkçilik awtobus ýüzýän köprüde derýadan geçmek üçin paroma garaşýarka bolupdyr. Ýerli häkimiýetler heläkçiligiň tehniki näsazlyk ýa-da sürüjiniň nädogry hereketleriniň netijesinde bolandygyny çaklaýarlar. 11 ýolagçy özbaşdak kenara çykmagy başarypdyr, galanlary suwda galypdyr. Halas edijilere awtobusy suwdan çykarmak 6 sagatdan soňra başardypdyr. Netijede, 18 adamyň jesedini tapylypdyr. Birnäçe adam henizem dereksiz ýiten hasaplanýar.

Bangladeşde soňky döwürde awtobuslaryň köprülerde we geçelgelerde adam pidalaryna getirýän heläkçilikleri kän bolýar. Ýerli habar beriş serişdeleri munuň öňüni almak üçin ýolagçy gatnatmakda düzgünleriň we ulag serişdeleriniň tehniki ýagdaýyna gözegçiligiň berkidilmeginiň zerurdygyny ýazýarlar.