«Ak Gaýa» kompaniýasy interýer we eksterýer boýunça şahsy sargytlar boýunça taslamalary döretmekde doly hyzmatlar toplumyny hödürleýär. Kompaniýa hususy jaýlardan başlap jemgyýetçilik binalaryna çenli islendik derejedäki çylşyrymly taslamalary üstünlikli amala aşyrýar.

Kompaniýada belleýişleri ýaly, her bir taslama müşderiniň isleglerini jikme-jik öwrenmekden başlanýar. «Biz müşderilerimizi üns bilen diňleýäris we olaryň pikirlerini durmuşa geçirýäris, netijäniň doly garaşylýan derejede bolmagyny üpjün edýäris» — diýip, «Ak Gaýa» kompaniýasynda nygtaýarlar. Bu bolsa işleýiş aýratynlygyny, stili we estetikany sazlaşykly utgaşdyrýan şahsy çözgütleri döretmäge mümkinçilik berýär.

Kompaniýa dürli görnüşli desgalarda iş alyp barýar: ýaşaýyş jaýlarynda, ofislerde, dükanlarda we jemgyýetçilik binalarynda ýa-da desgalarynda. Ähli işler häzirki zaman tehnologiýalary, ýokary hilli materiallar we kämil enjamlar bilen ýerine ýetirilýär, bu bolsa uzak ömürliligi we ýokary derejeli ýerine ýetirilişi kepillendirýär.

«Ak Gaýa» kompaniýasynyň wekilleri onuň ähli müşderileri üçin açykdygyny belleýärler. Olar müşderileriň arasynda tapawut goýmaýarlar: eger müşderi öňki edilen işinden razy bolsa, täze taslama üçin islendik wagt ýüz tutup biler. Bu ýagdaý kompaniýany giň müşderiler topary üçin elýeterli we ygtybarly edýär.

Mundan başga-da, kompaniýa müşderileriň aýratyn isleglerine laýyklykda uýgunlaşdyrylyp bolýan taýýar taslamalary hem hödürleýär. Bu bolsa wagty tygşytlaýar we ylalaşmak işini ýeňilleşdirýär.

«Ak Gaýa» kompaniýasy, «Çyzgy» bölümi

Salgysy: Aşgabat şäheri, G. Gulyýew köçesi, 40-njy jaý, «Ak Gaýa» binasy

Telefonlar: +993 12 754 375, +993 65 555 410