Täze ýyl öňüsyrasynda Balkan welaýatynyň ähli künjeklerinde giň gerimde baýramçylyk çäreleri geçirilýär - diýip, «Türkmenistan: Altyn asyr» neşiri habar berýär.

Balkanabat şäherindäki «Türkmeniň ak öýi» binasynda geçirilen dabaralar aýratyn täsirli wakalaryň biri boldy.

Aýdym-sazly baýramçylyk çäresini Balkan welaýatynyň häkimligi, welaýat medeniýet müdirligi, Türkmenistanyň Zenanlar birleşiginiň welaýat bölümi we beýleki jemgyýetçilik guramalary bilen bilelikde guraldy.

Çäre sebitdäki şäherlerden we etraplardan gelen myhmanlary, il sarpaly ýaşululary, talyp ýaşlary hem-de ýerli ýaşaýjylary birleşdirdi.

Dabaranyň dowamynda täze, 2026-njy ýyl mynasybetli mähirli gutlaglar aýdylýar, Halkara parahatçylyk we ynanyşmak ýylynda gazanylan üstünlikler we rowaçly işler bellenilip geçildi.

Konsert maksatnamasynda ýurdumyzyň beýik üstünliklerine, Täze ýyla, dostluga we doganlyga bagyşlanan sazlar we aýdymlar ýaňlandy; joşgunly tanslar ýerine ýetirildi; çagalar toparlarynyň çykyşlary boldy, şeýle hem edebi-sazly kompozisiýalar görkezildi – diýip, çeşme belleýär.