Girmek
Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komiteti we Arkadag şäheriniň häkimligi bilelikde Arkadag şäheriniň Polisiýanyň ýol gözegçiligi gullugynyň hem-de Awtoulaglaryň tehniki ýagdaýyny anyklaýyş we hasaba alyş merkeziniň edara binasynyň taslamasyny düzmek we gurmak boýunça bäsleşik yglan edýär. Bu barada «Türkmenistan» gazetinde habar berildi.
Gyzyklanma bildirýän taraplaryň haýyşnamalary we teklipleri Arkadag şäheriniň Arkadag şaýolunyň 30-njy jaýynda ýerleşýän Arkadag şäheriniň häkimliginiň edara binasynda bellenilen tertipde kabul edilýär hem-de resmileşdirilýär. Haýyşnamalar we teklipler bildirişiň yglan edilen gününden başlap, 30 (otuz) iş gününiň dowamynda kabul edilýär. Bäsleşige gatnaşmaga töleg serişdelerini geçirmek üçin hasap ýazmaça arza berlenden soň görkeziler.
Habarlaşmak üçin telefon belgisi: (+993 12) 57-29-08.
Elektron salgysy: adk@sanly.tm