Girmek
Türkmenistanyň futbol boýunça milli ýygyndy toparynyň baş tälimçisi Röwşen Meredow 2027-nji ýylda geçiriljek Aziýa Kubogynyň saýlama tapgyrynyň çäginde Hytaý Taýpeýi bilen geçiriljek oýnuň öňüsyrasy ýygyndy toparymyzyň düzümini mälim etdi.
Ýurdumyzyň milli ýygyndy toparynyň düzümine oýunçylaryň 23-si çagyryldy.
Derwezeçiler: Rasul Çaryýew, Rüstem Ahallyýew (ikisi-de – «Arkadag» topary), Gurbanmyrat Garaýew («Ahal»).
Goragçylar: Güýçmyrat Annagulyýew, Mekan Saparow, Ybraýym Mämmedow, Arzuwguly Sapargulyýew (hemmesi – «Arkadag»), Hakmuhammet Bäşimow, Bagtyýar Gürgenow (ikisi-de – «Ahal»), Zafar Babajanow («Altyn Asyr»).
Ýarymgoragçylar: Teýmur Çaryýew («Torpedo-BelAZ»), Mirza Beknazarow, Ýazgylyç Gurbanow, Welmyrat Ballakow (hemmesi – «Arkadag»), Alibek Abdyrahmanow, Gurban Annaýew (ikisi-de – «Ahal»).
Hüjümçiler: Meýlis Diniýew («Gyrgyzaltyn», Gyrgyz Respublikasy), Elman Tagaýew («Ahal»), Didar Durdyýew, Şamämmet Hydyrow, Baýram Ataýew (hemmesi – «Arkadag»), Rahman Myratberdiýew («Altyn Asyr), Daýanç Meredow («Köpetdag).
“D” toparçanyň 5-nji tapgyrynyň çägindäki oýun ertir, 18-nji noýabrda Arkadag şäheriniň 10 müň orunlyk «Arkadag» stadionynda geçiriler.
Duşuşyk Aşgabat wagty bilen sagat 18:45-de başlanar. Duşuşygyň baş emini yrakly Ýusif Hasan bolar. Oňa ildeşleri Akram Jabbar bilen Husseýn Munşid kömekleşerler. Ätiýaçdaky eminiň wezipesini Ahmed Kadhim ýerine ýetirer.