Magtymguly adyndaky Türkmen döwlet uniwersitetiniň taryh hünäriniň talyby Zyýada Ýusubowa «Türki halklaryň iň gowy talyby» atly halkara bäsleşikde ýeňiji boldy. Bu barada uniwersitetiň resmi saýtynda habar berildi.

«Türki halklaryň iň gowy talyby» atly halkara bäsleşik Gazagystan Respublikasynyň Astana şäherinde bu ýurduň «Bilim-orkenieti» milli innowasiýa ylmy-gözleg merkezi hem-de «Žana Gazagystan» respublikan innowasion merkezi tarapyndan guraldy.

Habarda bellenilişi ýaly, Z.Ýusubowa bu bäsleşige internet arkaly gatnaşyp, I derejeli Diploma, döşe dakylýan nyşana we kuboga mynasyp boldy.