Girmek
Türkmenistanyň «Arkadag» futbol topary AFK-2-niň Çempionlar ligasynyň toparçalaýyn tapgyrynyň 4-nji oýnunda Katar döwletiniň «Al-Ahli» topary bilen öz meýdançasynda 1:1 hasaby bilen deňme-deň oýnady.
Duşuşyk çarşenbe güni Arkadag şäherinde geçirildi. Oýundaky hasaby 23-nji minutda myhmanlaryň hüjümçisi Mişel Wlap açdy. 26-njy minutda bolsa «Al-Ahli» toparynyň goragçysy Mateý Mitrowiçiň awtogoly netijesinde «Arkadag» hasaby deňlemegi başardy.
«Arkadag» şu wagta çenli 3 utuk gazandy we B toparçanyň ýaryş tertibinde soňky orunda ýerleşýär. Toparçanyň lideri «Al-Ahli» 5 oýundan soň 7 utuk bilen öňde barýar. Şeýle hem Özbegistanyň «Andižan» (3 utuk, 3 oýun) we Bahreýniň «Al-Haldiýa» (5 utuk, 4 oýun) toparlary pleý-off tapgyryna çykmak ugrunda göreşýärler.
Toparçalaýyn tapgyryň netijesine görä, iki iň gowy topar pleý-off tapgyryna geçer. «Arkadag» indiki oýnuny 26-njy noýabrda myhmançylykda «Andižan» topary bilen geçirer. Soňky — 6-njy tapgyrda bolsa türkmen topary 24-nji dekabrda öz meýdançasynda «Al-Haldiýa» bilen duşuşar.