31-nji oktýabrda Türkmenistanyň Döwlet haryt-çig mal biržasynda daşarky bazar boýunça söwdalaşyklar geçirildi. Bu söwdalaşyklaryň dowamynda nebit önümlerini satmak boýunça şertnama baglaşyldy — diýip, Türkmenistanyň Döwlet haryt-çig mal biržasynyň resmi saýtynda habar berilýär.

Birleşen Arap Emirliklerinden gelen telekeçiler «Türkmengaz» döwlet konserni bilen «Jet A-1» kysymly awiakerosini satyn almak boýunça şertnama baglaşdylar. Söwdalaşyklaryň netijeleri boýunça umumy bahasy 3 701 250,00 ABŞ-nyň dollaryna deň bolan bir şertnama hasaba alyndy.