Girmek
Ozal habar berşimiz ýaly, şu gün Türkmenistanyň Prezidenti Serdar Berdimuhamedow sanly ulgam arkaly Hökümetiň nobatdaky mejlisini geçirdi. Onda şu ýylyň 10 aýynda ýurtda alnyp barlan işleriň jemleri jemlenildi.
Prezident Serdar Berdimuhamedow Hökümet mejlisiniň ahyrynda Ministrler Kabinetiniň agzalaryna ýüzlenip, Türkmenistanda her ýyly döwrebap atlandyrmak boýunça ýylyň şygarynyň yglan edilýändigini we nyşanynyň kabul edilýändigini aýtdy.
Döwlet Baştutany Türkmenistanyň Mejlisiniň Başlygy D.Gulmanowa ýüzlenip, deputatlaryň halk bilen maslahatlaşyp, täze, 2026-njy ýyla at bermek hem-de onuň nyşanyny kesgitlemek boýunça degişli teklipleri taýýarlamalydygyna ünsi çekdi. Bu barada «Watan» habarlar gepleşiginde habar berildi.