Girmek
Türkmenistanyň çägindäki GRATA International halkara hukuk kompaniýasy 31-nji oktýabrda «Her bir telekeçilik üçin hukukçy näme üçin gerek?» diýen tema boýunça tölegsiz işewürlik okuw seminaryny guraýar. Çäre sagat 09:00-dan 13:00-a çenli Aşgabatdaky «Arkaç» işewürlik merkezinde ýerleşýän «Iş Nokady» kowerking merkezinde geçiriler.
Okuw-seminary hukuk tejribesi bolan hünärmenleri we işewürlik toparlaryň wekillerini jemläp, korporatiw hukugyny, şertnama hukugyny we salgyt meseleleri boýunça möhüm ugurlary ara alyp maslahatlaşmaga mümkinçilik döreder. Okuw-seminarynda kompaniýanyň tejribeli bilermenleri çykyş ederler: kompaniýanyň dolandyryjy hyzmatdaşy Ikbal Said Alauddin, geňeşçi Mekan Bäşimow, uly hukukçylar Serdar Amanow we Laçyn Amandurdyýewa, şeýle hem hukukçy Annameňli Rozymyradowa.
Okuw-seminaryň maksatnamasy dört tematik bölümden ybarat:
GRATA International Hukuk Consulting kompaniýasynyň işine giriş;
Korporatiw hukuk we telekeçilik işi üçin hukuk binýadynyň döredilmegi;
Şertnama hukugy — kompaniýanyň bähbitlerini goramak üçin gural;
Salgyt borçnamalary barada düşünje.
Okuw-seminaryna gatnaşmak mugt, ýöne öňünden hasaba alynmak zerur. Hasaba alynmak üçin ýörite sowalnama ulanylýar.
Bu çäre işewürligiň ähli ugurlaryndan hünärmenler üçin açykdyr.