Aşgabatdaky «Bagtyýarlyk» sport toplumynda Hindistanyň jemgyýetçilik we syýasy işgäri Mahatma Gandiniň doglan gününe (Gandhi Jayanti) bagyşlanan çäre geçirildi. Çäre Gandiniň ýadygärliginiň öňünde guraldy — diýip, Hindistanyň ilçihanasynyň sosial ulgamdaky sahypasynda habar berilýär.

Çärä Hindistan Respublikasynyň Türkmenistandaky ilçihanasynyň işleri wagtlaýyn ynanylan wekili, diplomatik wekilhananyň işgärleri hem-de türkmen jemgyýetçiliginiň wekilleri gatnaşdylar. Gatnaşyjylar Mahatma Gandiniň ýadygärligine gül desselerini goýdular. Gandhi Jayanti her ýyl 2-nji oktýabrda — Mahatma Gandi ady bilen tanalýan Mohandas Karamçand Gandiniň doglan gününde bellenilýär. Ol Hindistanyň garaşsyzlygy ugrunda alyp barlan göreşde möhüm orun eýelän şahsyýetdir.