21-nji awgustda Aşgabatda öz işine başlajak «Kids Expo: Ähli zat çagalar üçin!» atly halkara sergi-ýarmarka 8 sany tematiki ugurda dürli harytlary we hyzmatlary hödürlär:

• Täze doglan çagalar üçin önümler;
• Okuw esbaplary (kanselýariýa, çagalar üçin mebel);
• Çagalar üçin bilim we okuw;
• Oýnawaçlar we okuw esbaplary;
• Çagalaryň durmuşynda tans, aýdym-saz we sungat;
• Çagalaryň saglygy we howpsuzlygy;
• Çagalaryň biliminde innowasiýa tehnologiýalary;
• Çagalar edebiýaty we okamak.

Halkara serginiň web sahypasynda habar berilmegine görä, 8,400 m² meýdany öz içine alýan giň gerimli sergä 10 müňden gowrak myhmanyň gelmegine garaşylýar. 30 ýurtdan 100-den gowrak gatnaşyjy sergide öz önümlerini we hyzmatlaryny hödürlär.
Sergi 21-23-nji awgust aralygynda Aşgabat şäherinde, Türkmenistanyň Söwda-senagat edarasynyň sergi merkezinde geçiriler.

Salgysy: Çandybil şaýoly, 143-nji jaý.