Germaniýanyň Halkara hyzmatdaşlyk jemgyýeti (GIZ) Aşgabatda «Ýewropa Bileleşigi ýaşyl Türkmenistan üçin: Syýasy gepleşikler we howanyň üýtgemegine garşy çäreler» atly taslamanyň kömekçisi wezipesi boýunça 2024 — 2028-nji ýyllar aralygynda doly iş wagty bilen işlejek işgär üçin boş iş orny yglan edýär.

Taslamanyň kömekçisiniň esasy wezipeleri:

1.Ofisi dolandyrmak;

2.Taslamanyň tehniki taýdan goldanylmagy;

3.Guramaçylyk, logistika we administratiw wezipeler;

4.Beýleki borçlar / goşmaça wezipeler.

Talap edilýän bilim, başarnyklar we tejribe:

• Jemgyýetçilik we ynsanperwer ylymlar, ykdysadyýet, hukuk, halkara gatnaşyklar ýa-da şuňa meňzeş ugur boýunça ýokary bilim (BSc/BA);
• Iň az 2 ýyl umumy iş tejribesi;
• Taslamalary guramaçylyk taýdan goldamakda tejribe;
• Resminamalary işläp taýýarlamak we formatlamak tejribesi;
• Daşarky müşderiler we/ýa-da döwlet edaralary bilen işleşmek tejribesi artykmaçlyk hasaplanýar;
• Terjime (dilmaçlyk) işi boýunça tejribe artykmaçlyk hasaplanýar;
• Halkara maksatnamalar bilen işleşmek babatda tejribe hem artykmaçlyk hasaplanýar.

Beýleki bilimler we goşmaça başarnyklar:

• Iňlis, türkmen we rus dillerinde dilden hem-de ýazuwda pikirini düşnükli beýan etmek ukyby;
• Okalýan we maksada gönükdirilen ýazuw stili;
• Nemes dilini bilmek artykmaçlyk hasaplanýar;
• Sanly tehnologiýalary (kompýuter programmalary, telefon, elektron poçta, internet) we kompýuter programmalaryny (meselem, MS Office) ulanmakda ýokary derejeli başarnyklar;
• Köpugurly jemgyýetde dürli taraplar bilen netijeli işleşmek ukyby we ýokary derejeli aragatnaşyk başarnyklary;
• Täze ýagdaýlara çalt uýgunlaşmak we dartgynly ýagdaýlarda işlemek ukyby;
• Özbaşdak guramaçylyk we meýilleşdiriş başarnyklary.

Taslama we boş iş orny barada giňişleýin maglumat bilen şu ýerden tanşyp bilersiňiz.

Talaplara laýyk gelýän dalaşgärlerden şular haýyş edilýär: ruhlandyryjy hatyny we terjimehalyny (CV) iňlis dilinde aşakdaky elektron poçta salgysyna ibermek: giz-turkmenistan@giz.de

Hatyň mowzugynda haýsy wezipä dalaş edýänligiňizi görkezmegiňizi haýyş edýäris.

Arzalar 2025-nji ýylyň 11-nji awgustyna (sagat 18:00-a) çenli kabul edilýär.