Et, süýt hem-de konditer önümlerini öndürmek bilen tanalýan meşhur türkmen azyk öndürijisi «Täze Aý» ilkinji gezek öz iş ugurlarynyň gerimini giňeldip, özi üçin täze bazar bolan — mallar we balyklar üçin niýetlenen kombinirlenen iým öndürmekligi ýola goýdy. Bu strategik ädim kompaniýanyň oba hojalyk pudagyndaky ornuny pugtalandyrmak meýliniň bardygyny aňladýar.

Önümçiligi işe girizmegiň esasy jikme-jiklikleri:

• Bu kompaniýa üçin tutuşlygyna täze önümçilik ugrudyr;
• Önümçilik kuwwaty gündelik 15 tonna çenli önüm öndürmäge niýetlenendir;
• Ýöriteleşdirilen iýmleriň 11 görnüşini öndürýär;
• Hil gözegçiligi üçin öz barlaghanasy bar.

«Biz önümçiligi işe girizmäge hemmetaraplaýyn taýýarlyk gördük — diýip, kompaniýanyň wekili belleýär. – Ähli tehnologiki işler we iýmleriň taýynlaýyş usullary biziň tehnologlarymyzyň we weterinar hünärmenlerimiziň gatnaşmagynda tarp ýerden işlenip düzüldi».

Täze önümleriň aýratynlyklary:

Guşçulyk üçin: 5 görnüşli iým (guzlaýan towuklar, dürli ýaş derejesindäki broýler towuklary üçin);
Maldarçylyk üçin: 3 görnüşli iým (sygyrlar we goýunlar üçin);
Balykçylyk üçin: tiz ereýän garyndy iýmler;
Goşmaça: et-süňk ununyň 2 derejeli görnüşi.

400 töweregi azyk önümleri bilen meşhur bolan «Täze Aý» kompaniýasy indi mallar üçin iým bazarynda-da öz ornuny tapmagy maksat edinýär. Önümleriň ilkinji tapgyry eýýäm içerki bazara çykaryldy, gelejekde bolsa kompaniýa tarapyndan eksport mümkinçilikleri hem göz öňünde tutulýar.

«Bu — biziň işewürligimizi logiki taýdan ösdürmegiň netijesidir – diýip, «Täze Aý» kompaniýasynda düşündirýärler. — Biz oba hojalyk öndürijileri bilen olaryň önümlerini sarp edijiler hökmünde köp ýyl bäri hyzmatdaşlyk edip gelýäris, indi bolsa olara başga tarapdan peýdaly hyzmatdaşlygymyzy hödürlemek isleýäris».

Täze önümçilik desgasy Mary welaýatynda ýerleşýär we ol sebitde täze iş orunlaryny döretdi. Ähli işgärler ýörite taýýarlyk okuwyndan geçdiler, tehnologiýalar bolsa halkara standartlaryna laýyk gelýär.

Habarlaşmak üçin:

Tel.: +993 61 343076

E-poçta: info@tazeay.com

Türkmenistan, Mary welaýaty, Mary etraby, «Täze oba» daýhan birleşigi