Girmek
Birleşen Milletler Guramasynyň (BMG) Ilat gaznasy ýurtlaryň 14-sinde geçiren pikirsoraşma netijesinde maşgalalaryň isledigiçe çaga dogrup bilmeýändiklerini anyklady. Pikirsoraşma gatnaşyjylaryň 18 göterimi şeýle pikirde diýip, guramanyň hasabatyna salgylanýan «rg.ru» habar berdi.
Dünýäde maşgalalaryň 19 göterimi howanyň üýtgemegi, uruşlar we daşky gurşawyň hatardan çykmagy sebäpli köp çaga dünýä indermekden ätiýaçlanýarlar. Pikiri soraşylanlaryň 54 göterimi bu ýagdaýy ykdysady şertler bilen baglaýar.
Gaznanyň bilermenleri Günorta Koreýada, Tailandda, Italiýada, Wengriýada, Germaniýada, Şwesiýada, Braziliýada, Meksikada, Birleşen Ştatlarda, Hindistanda, Indoneziýada, Marokkoda, Günorta Afrika Respublikasynda we Nigeriýada 14 müňden gowrak uly ýaşly erkekleriň hem-de zenanlaryň gatnaşmagynda barlag geçirdiler. Bu ýurtlarda umumy alnanda, dünýä ilatynyň 37 göterimden gowragy ýaşaýar diýlip, Gaznanyň hasabatynda bellenýär.