Girmek
2-nji iýunda Türkmenistanda mekdep okuwçylarynyň tomusky dynç alyş möwsümi açyldy.
Şu mynasybetli Aşgabatdaky «Mekan» köşgünde çagalaryň Gökderedäki çagalar sagaldyş merkezlerine ugradyş dabarasy geçirildi. Türkmenistanyň Bilim ministrliginiň saýtynda berlen habara görä, welaýatlarda çagalar etrap merkezlerinden ugradylypdyr.
Ýurdumyzyň ýaşuly nesliniň wekilleri çagalaryň tomusky dynç alyşyny şatlykly geçirmeklerini arzuw etdiler. Dabarany döredijilik toparlarynyň aýdym-sazly çykyşlary bezedi.
Çagalaryň ugradyş dabarasy tamamlanandan soň, awtobuslar sagaldyş merkezlerine tarap ýola düşdiler. Mekdep okuwçylary sagaldyş merkezlerinde ýene-de mähirli garşy alyndy.
Türkmenistanda tomus möwsüminiň başlanmagy bilen, çagalar dynç alyp, täze tejribeler edinmäge we ýakymly pursatlary başdan geçirmäge mümkinçilik alýarlar.