Girmek
Garaşsyz dalaşgär, Buharestiň häkimi Nikuşor Dan Rumyniýada geçen Prezident saýlawlarynda sesleriň 54,17 göterimini gazanyp, ýeňiji boldy. Saýlawlaryň jemi Hemişelik saýlaw edarasynyň saýtynda saýlaw býulletenleriniň 98,56 göterimi sanalandan soňra çap edildi. Danyň garşydaşy, Rumynlaryň birleşmegi ugrunda milli bileleşigiň lideri Jorje Simion sesleriň 45,83 göterimini aldy diýip, «Gazeta.ru» habar berdi.
Köpçülikleýin habar beriş serişdeleri Dany ýeňiji diýip ykrar etdiler, sebäbi garşydaşlaryň arasyndaky tapawut 898 müň sese deň, ýene 850 müň ses hasaplanmady.
Buharestiň merkezinde täze Prezidentiň tarapdarlarynyň müňlerçesi: «Nikuşor! Ýewropa! Rumyniýa!» diýip şatlykly gygyryşýarlar. Paýtagtyň Elizawet seýilgähinde hereket togtadyldy, täze Prezidentiň çykyşyna garaşylýar diýlip, habarda aýdylýar.