10-njy maýda Aşgabatda sanlylaşdyrmagyň meselelerine we onuň telekeçiligiň ösüşindäki ornuna bagyşlanan «Biznes pulsy» atly forum geçirildi. Bu çäre «Arassa Nusga» we «Lotta Business Group» kompaniýalary tarapyndan Ýewropanyň dikeldiş we ösüş bankynyň (ÝDÖB) hemaýat bermeginde guraldy.

Forum söwda, paýlama, önümçilik we hyzmatlar ýaly Türkmenistanyň ykdysadyýetiniň dürli pudaklaryna wekilçilik edýän köp sanly gatnaşyjyny bir ýere jemledi. Işewürligiň ösmegini üpjün etmekde, dolandyryş proseslerini ýeňilleşdirmekde we işewürlik giňeldilende gözegçiligi saklamakda häzirki zaman tehnologiýalarynyň orny ara alyp maslahatlaşmalaryň esasy mowzugy boldy.

Forumyň çäklerinde ERP (kärhananyň çeşmelerini meýilleşdiriş ulgamlary), CRM (müşderiler bilen gatnaşyklary dolandyryş ulgamlary) we BI (işewürligi seljeriş ulgamlary) ýaly gurallary durmuşa geçirmegiň amaly tejribesine aýratyn üns berildi. Telekeçiler el bilen dolandyrmakdan awtomatlaşdyrylan ulgamlara geçmek barada öz tejribelerini paýlaşdylar, geňeşçiler bolsa hasabat ulgamlaryny ornaşdyrmakda adaty ýalňyşlyklaryň we üstünlikli strategiýalaryň seljermesini hödürlediler.

Foruma gatnaşyjylar öz täsirlerini işjeň paýlaşdylar. Olaryň biri: «Forum işewürlikde belli bir ösüş döwründe kynçylyklar başlansa – bu biziň nädogry bir iş edendigimiz üçin däldigine düşünmäge kömek etdi. Işewürlik össe, ony el bilen dolandyrmak mümkin bolmaz» diýip belledi. Başga bir gatnaşyjy: «Hemme zatdan habarly bolmak üçin hatda iş saparynda bolanymda-da näme etmelidigime düşündim» diýip nygtady.

Interaktiw sessiýanyň dowamynda gatnaşyjylar kompaniýalarynyň öňünde durýan iň möhüm dolandyryş meselelerini kesgitlediler:

«Aýyň ahyrynda näçeräk sap girdejiniň galandygyna henizem düşünmedim».

«Müşderileriň akymy azaldy we munuň sebäbi belli däl».

«Bütin gün işlere başagaýlyk bilen geçýär, strategiýa üçin wagt ýok».

«Arassa Nusganyň» müdiri Aleksandr Petrosow beýan edilen meseleleri teswirläp, şeýle belledi: «Bular el bilen dolandyryşy artdyran kompaniýalaryň adaty alamatlary. Işewürlik duýgurlyk bilen ösüp bilmeýär. Oňa gurallar gerek: aç-açan hasabat, analitika, CRM, ulgam amallary».

Forumyň esasy netijesi hökmünde sanlylaşdyrmagyň häzirki wagtda diňe bir meşhur tendensiýa bolman, eýsem, kompaniýalaryň mundan beýläk-de ösmegini üpjün etmegiň derwaýys zerurlygydygy nygtaldy. Häzirki zaman bazar şertlerinde döreýän mümkinçiliklerden netijeli peýdalanmak we bolup biljek ýitgileriň öňüni almak üçin kärhanalaryň aç-açan, dolandyrylýan we çeýe bolmagy möhümdir. Forum türkmen işewürliginiň dolandyryşa ulgamlaýyn çemeleşmegi işjeň durmuşa geçirýändigini görkezdi.

Bu tendensiýa Türkmenistanda sanly ykdysadyýeti ösdürmegiň döwlet strategiýasyna doly laýyk gelýär we hususy pudak bu ugra eýermäge taýýardygyny görkezýär.

Türkmen kärhanalaryny durnukly ösdürmegi maksat edinýän «Arassa Nusga» kompaniýasy aşakdaky mümkinçiliklerden peýdalanmagy teklip edýär:

- işewürlik amallaryna mugt tiz diagnostika.

- işewürligiň dürli pudaklary üçin uýgunlaşdyrylan häzirki zaman sanly çözgütleriň görkezilmegi.

Şu baglanyşyk arkaly mugt diagnostika üçin ýazylyp bilersiňiz.

Habarlaşmak üçin:

• telefonlar: (+993 61) 64 86 05, (+993 12) 75 44 80;
• web-saýt: arassanusga.com;
• elektron poçta: info@arassanusga.com.