Türkmenistanyň ýygyndysy Aşgabatda başlanan sportuň milli we alyş göreşi boýunça Halkara ýaryşynyň birinji gününiň netijeleri boýunça 14 medal gazandy.

TDH agentliginiň habar berşi ýaly, ýaryşa Ýewropanyň we Aziýanyň 13 ýurdundan türgenler gatnaşýarlar. Ýaryşyň resmi açylyş dabarasyndan soň türkmen milli göreşi boýunça 8 medal toplumy ugrunda bäsleşikler başlandy.

Ähli sekiz agram derejesinde Türkmenistanyň türgenleri ýeňiji boldular: Aşyrmyrat Amandurdyýew (57 kg çenli), Ýakup Babaýew (62 kg çenli), Yhlas Begmyradow (68 kg çenli), Agaýusup Garaýew (75 kg çenli), Sylapberdi Nuryýew (82 kg çenli), Annagurban Allaberdiýew (90 kg çenli), Pälwan Gurbangeldiýew (100 kg çenli), Nurmuhammet Baýdogdyýew (100 kg-dan ýokary) altyn medala mynasyp boldular.

Şeýle hem Türkmenistanyň ýygyndy toparyndan Muhammetarslan Geldiýew (57 kg çenli), Atageldi Tejendurdyýew (75 kg çenli), Döwran Jumadurdyýew (82 kg çenli), Begli Hojammaýew (100 kg çenli), Öwezgeldi Berdiýew (100 kg çenli) kümüş medal, Pälwan Akmyradow bolsa (68 kg çenli) bürünç medal gazandylar.

Medal hasabynda ikinji orny Gyrgyzystanyň ýygyndysy (2 kümüş we 3 bürünç medal), üçünji orny - Owganystanyň ýygyndysy (1 kümüş we 5 bürünç medal) eýeleýär. Üç bürünç medaly Özbegistandan gelen pälwanlar, bir medaldan - Azerbaýjanyň, Hindistanyň, Eýranyň we Mongoliýanyň türgenleri gazandylar.

24-nji aprelde guşakly alyş göreşiniň ussatlary erkekleriň arasynda alty, zenanlaryň arasynda dört medal toplumy ugrunda göreşerler.