Girmek
Italiýanyň demirgazyk-günbatarynda güýçli sil joşguny dowam edýär, Turin we Pýemont sebiti suwuň astyna gidýär diýip, «MIR 24» ýazýar.
Çabgalar netijesinde derýalaryň suwy iň ýokary derejä göterildi. Şäherleriň birinde 150 ýaşaýjy göçürildi. Ilatly nokatlaryň 100-sinde adatdan daşary düzgün yglan edildi.
Köçeler, binalar, oba hojalyk ekinleri gark boldy, uly gara ýollar süýşgünler sebäpli bölekleýin ýapyldy. Halas ediş gulluklary güýçlendirilen düzgünde işleýärler, bentleri berkidýärler. Ýurduň howa maglumaty gullugy golaý günlerde ýagyşlaryň dowam etjekdigini duýdurdy.