Abu-Dabidäki (Birleşen Arap Emirlikleri) «Yas Waterworld» akwaparkynda güýçli ýangyn tutaşdy. Ol ýerde ýurtda iň uly suwly belentlik gurmak meýilleşdirilýärdi diýip, «Rambler.ru» habar berdi.

Wakanyň sosial tordaky wideosynda oduň çalt tutaşýandygy we goýy tüsse görünýär. Waka şaýat bolanlar gyssagly gulluklaryň ýangyny dessine söndürendiklerini gürrüň berýärler. Polisiýa akwaparkyň etrabynda howpsuzlyk üçin giriş-çykyşy saklady.

«Yas Waterworld» BAE-de iň uly göwün açyş suw desgalaryň biridir. Öň ýurtda beýle ýagdaýlar bolmandy diýlip, habarda bellenýär.