Hindistanyň hökümeti ICCR talyp haklary maksatnamasy arkaly Hindistanyň abraýly uniwersitetlerinde/institutlarynda okamak isleýän türkmen ýaş raýatlaryna talyp hakly okuwy hödürleýär. Bu talyp haklary 2025-2026-njy okuw ýyly üçin bakalawr, aspirantura we doktorantura (PhD) maksatnamalary üçin elýeterlidir. Bu barada Hindistanyň Aşgabatdaky ilçihanasynyň sosial sahypasynda habar berilýär.

Ýüz tutmalar https://a2ascholarships.iccr.gov.in salgysy boýunça ICCR A2A talyp haklary portaly arkaly onlaýn kabul edilýär, ol 2025-nji ýylyň 20-nji fewralynda işe başlar.

Türkmenistanyň ýaşlary üçin niýetlenen talyp haklary maksatnamasynyň çäklerinde Hindistanyň ýokary okuw mekdeplerinde bilim almak mümkinçiligi berilýär.