Girmek
14-nji fewralda geçirilen Hökümet mejlisiniň ahyrynda Prezident Serdar Berdimuhamedow 18-nji fewralda Türkmenistanyň diplomatik işgärleriniň gününiň bellenip geçiljekdigini aýtdy we Garaşsyz, Bitarap Türkmenistanyň diplomatik gullugynyň işgärleriniň öňde goýlan wezipeleri talabalaýyk ýerine ýetirmek ugrunda tutanýerli zähmet çekýändiklerini belledi.
Döwlet Baştutany pursatdan peýdalanyp, ýurduň diplomatik gullugynyň ähli işgärlerini hünär baýramy bilen tüýs ýürekden gutlady.
Türkmenistanyň diplomatik işgärleriniň güni hünär baýramy hökmünde ýurtda 2009-njy ýyldan bäri bellenilýär.