Girmek
Nepalyň Pakistandaky täze ilçisi hanym Rita Dhital bilen Türkmenistanyň ilçisi, Diplomatik korpusyň duaýeni A.Möwlamowyň arasynda duşuşyk geçirildi. Bu barada Türkmenistanyň Yslamabatdaky diplomatik wekilhanasynyň metbugat gullugy habar berdi.
Türkmenistanyň ilçihanasynda geçirilen duşuşykda taraplar sebitdäki ýagdaý barada pikir alyşdylar.
Türkmen diplomaty hyzmatdaşlygy güýçlendirmek, ykdysady ösüşi goldamak, sebitde we dünýäde parahatçylygy berkitmek maksady bilen, öz ýurdunyň ýolbaşçylarynyň başlangyçlary esasynda amala aşyrylýan möhüm energetika we ulag taslamalary barada gürrüň berdi.
Rita Dhital Türkmenistanyň alyp barýan daşary syýasatyna ýokary baha berdi we Nepal bilen Türkmenistanyň arasyndaky hyzmatdaşlygy has-da giňeltmäge gyzyklanma bildirdi.
Taraplar Yslamabatda diplomatik korpus tarapyndan guralýan işler we taslamalar barada hem pikir alyşdylar.