Girmek
Guramanyň metbugat gullugynyň habar berşine görä, Röwşen Meredow Türkmenistanyň Futbol federasiýasynyň tehniki direktory wezipesine bellenildi.
Meredow öz futbol ýoluny 1999-njy ýylda “Nebitçi” toparynda başlapdy. Soňky ýyllarda ol «Dagdan», «Galkan», «Ahal» we «Ýedigen» klublarynda çykyş etdi.
Futbol karýerasyny tamamlandan soň, Röwşen Meredow tälimçilik işine geçýär. PRO derejeli ygtyýarnamasy alandan soň ol 2013-nji ýyldan 2020-nji ýyla çenli Aşgabadyň «Ýedigen» we Änewiň «Ahal» komandalaryna ýolbaşçylyk edýär. Onuň ýolbaşçylygynda bu futbol klublary ýurdumyzyň milli çempionatynyň dürli baýrakly orunlaryna mynasyp bolýarlar. 2017-nji ýylda «Ahal» Türkmenistanyň Kubogyna eýe bolýar.
2014-nji ýylda «Ýedigeniň» Aziýanyň Futbol konfederasiýasynyň Prezidentiniň Kubogyny gazanmagy Meredowyň tälimçilik işinde uly üstünlik boldy.
2020-nji ýylyň möwsüminde hünärmen «Kyzylkum» klubyny, 2022-nji ýylda bolsa «Kaganat» komandasyny tälimçilik etdi.
2020-nji ýyldan häzirki wagta çenli R. Meredow FIFA-nyň Global futbol ösüşi bölüminde tehniki bilermen wezipesini eýeleýär, ol ýerde meşhur futbol hünärmeni Arsen Wengeriň ýolbaşçylygynda işleýär.