Girmek
Şu gün Türkmenistanyň daşary işler ministriniň orunbasary M.Bäşimowanyň Türkiýe Respublikasynyň Türkmenistandaky Adatdan daşary we Doly ygtyýarly ilçisi Ahmet Demirok bilen duşuşygy geçirildi.
Türkmenistanyň DIM-niň resmi saýtynda berilýän habara görä, taraplar türkmen-türk gün tertibiniň ileri tutulýan ugurlaryna garadylar. Diplomatlar hyzmatdaşlygyň özara gyzyklanma bildirilýän wajyp meselelerini ara alyp maslahatlaşdylar. Sebit we halkara gurluşlaryň çäklerindäki iki ýurduň özara gatnaşyklaryna aýratyn üns berildi.
Şeýle hem Türkiýe Respublikasynyň ilçisi «Magtymguly Pyragynyň 300 ýyllygyna» atly ýubileý medaly üçin Türkmenistanyň ýolbaşçylygyna minnetdarlygyny beýan etdi.
Taraplar «Halkara parahatçylyk we ynanyşmak ýylynyň» çäginde bilelikdäki çäreleri geçirmegiň meselelerini hem ara alyp maslahatlaşdylar diýlip, habarda bellenilýär.