Girmek
Angliýada mundan 52 ýyl öň dereksiz ýiten zenan diri eken, ol polisiýa fotosuratyny sosial ulgamda çap edenden soňra tapyldy diýip, «rg.ru» ýazýar.
Şeýlelikde, Britaniýada dereksiz ýitenler barada iň uzak dowam eden gözleg işi üstünlikli tamamlandy.
Häzir 68 ýaşyndaky Şeýla Foks 1972-nji ýylda 16 ýaşyndaka Kowentridäki ýaşaýan öýlerinden çykyp gidipdir. Şonda Uest-Midlendsiň polisiýasy ene-atasy bilen ýaşaýan gyz halaşýan ýigidi bilen gaçyp giden bolmagy mümkin diýen netijä geldi.
Geçen ýekşenbede ýerli polisiýa gyzyň 16 ýaşyndaky suratyny web-saýtda gaýtadan çap edip, ony tapmaga kömek etmeklerini sorap ilata ýüzlendi.
Tüýs Täze ýyl gudraty diýleni boldy, habar çap edileniniň yzysüresi jemgyýetçilik wekilleri polisiýa bilen jaňlaşyp, Foksuň diridigini we janynyň sagdygyny habar beripdirler. Ol ýurduň beýleki çetinde ýaşaýan ekeni.
«Biz Uest-Midlendsiň polisiýasynda iň uzak dowam eden dereksiz ýiten barada işiň tamamlanandygyny habar bermäge şatdyrys» diýlip, ýerli polisiýanyň wekili gürrüň berdi.