Girmek
Russiýa Federasiýasynyň Prezidenti Wladimir Putinden Türkmenistanyň Prezidenti Serdar Berdimuhamedowyň adyna Täze ýyl mynasybetli gutlag haty gelip gowuşdy. Bu barada "Watan" habarlar gepleşiginde habar berildi.
Beýan edilişi ýaly, Russiýa Federasiýasynyň Prezidenti Wladimir Putin gutlag hatynda Türkmenistanyň Prezidenti Serdar Berdimuhamedowa ýüzlenmek bilen, şeýle belleýär:
"Sizi täze, 2025-nji ýylyň ýetip gelmegi bilen tüýs ýürekden gutlaýaryn.
Russiýa bilen Türkmenistanyň arasyndaky gatnaşyklar çuňlaşdyrylan strategik hyzmatdaşlyk ruhunda üstünlikli ösdürilýär. Ikitaraplaýyn haryt dolanyşygy oňyn görkezijiler bilen tapawutlanýar. Senagat, ulag, medeni-ynsanperwer we beýleki ulgamlarda geljegi uly bilelikdäki taslamalar durmuşa geçirilýär.
Ikitaraplaýyn we halkara gün tertibiniň möhüm meseleleri boýunça netijeli dialogy hem-de yzygiderli işlerimizi dowam etjekdigimize ynanýaryn. Munuň özi biziň dostlukly halklarymyzyň we Merkezi Aziýada hem-de Hazar sebitinde howpsuzlygy we durnuklylygy üpjün etmegiň bähbitlerine laýyk gelýär.
Size we Siziň ýakynlaryňyza berk jan saglyk, abadançylyk we üstünlikleri, Türkmenistanyň ähli raýatlaryna bolsa bagtyýarlyk hem-de rowaçlyk arzuw edýärin".