Girmek
Aşgabat şäherinde süýdi gaýtadan işleýän täze zawod gurlar. Ol ýylda kuwwaty 7,5 müň tonna süýt hem-de 1,5 müň tonna gury süýt öndürmäge ukyply bolar. Täze önümçilik ähli halkara ülňülere laýyklykda bina ediler.
Şunuň bilen baglylykda, Türkmenistanyň Azyk senagaty döwlet birleşigi süýt zawodynyň taslamasy we gurluşygy boýunça halkara tender yglan etdi.
«Neýtralnyý Turkmenistan» gazetinde habar berlişine görä, tender boýunça teklipleri degişli bildirişiň resmi taýdan çap edilen gününden başlap, ýöne ýerli wagt bilen sagat 16:00-dan gijä galman 30 iş gününiň dowamynda kabul edilýär,.
Halkara bäsleşige gatnaşmak üçin ýüz tutma şertlerini we anketany Türkmenistanyň Azyk senagaty döwlet birleşiginden alyp bilersiňiz. Salgysy: Aşgabat, Arçabil şaýoly, 92 (B 327-nji otag).
Has giňişleýin maglumat almak üçin şu telefon belgilere jaň edip bilersiňiz: (+993 12) 44-75-48, 44-75-45.