Mozambigiň häkimiýetleri «Çido» diýlip at berlen güýçli deňiz harasatynyň ýurda golaýlaýandygyny duýdurdylar. Bu barada «Club of Mozambique» portalyna salgylanýan «Belta.by» ýazýar.

Mozambigiň milli meteorologik institutynyň maglumatlaryna görä, şu gün sagatda 220 kilometre ýetýän harasatly şemal we çabga ýurduň demirgazyk-gündogar bölegine aralaşar. Hünärmenler «Çidodan» Nampula we Kabu-Delgadu ülkelerinde 2,5 million adamyň ejir çekip biljekdigini çaklaýarlar. Soňra deňiz harasaty ýurduň Zambeziýa, Tete we Nýasa ülkelerine geçer diýlip, habarda bellenýär.