Durdy Baýramow adyndaky kafe-galereýa ähli sungat söýüjileri görnükli türkmen suratkeşiniň döreden ajaýyp eserlerinden hem-de öý aşpezçilik däplerine laýyklykda taýýarlanylan tagamlardan lezzet almaga çagyrýar.

Bu ýerde kafe gelýän myhmanlar meşhur suratkeşiň eserleri bilen gyzyklanmak bilen birlikde, Ýewropa, türk, türkmen aşhanalarynyň we kebaplaryň dürli tagamlaryny dadyp bilerler. «Hanuma PP»-niň awtorlyk menýusy sagdyn we tagamly naharlary hödürlemek bilen, aýratyn ünsi çekýär.

Myhmanlar üçin ýakymly bonuslar: geljek günüňizi islegiňize görä saýlaň

Kafe-galereýa arzanladyşyň we aksiýanyň çeýe ulgamyny hödürleýär: Duşenbe güni salatlara we gyzgyn tagamlara 20% arzanladyş, sişenbe güni kebaplara «3 + 1» aksiýasy, penşenbe güni kafeniň ýolbaşçysy Jahandan menýudaky ähli naharlara 30% arzanladyş, şeýle hem ýekşenbe güni maşgala güni güni diýlip yglan edilip, tagamlar 16:00-a çenli 25% arzanladyş bilen hödürlenilýär.

Kafede myhmanlara 1948-nji ýylyň gadymy roýalynda saz çalmak üçin ajaýyp mümkinçilik garaşýar. Bu özboluşly saz guralynyň kömegi bilen nusgawy saz sungatynyň çuňlugyny we gözelligini duýup bilersiňiz.

Duşuşyklar we dynç alyş üçin göwnejaý ýer

Kafe sagat 8:00-dan 11:00-a çenli açyk bolup, günüň dowamynda dürli hili naharlary hödürleýär. Myhmanlara oňaýly bolmagy üçin bu ýerde giň terrasa, karaoke we banket zaly bar.

«Biz ussatlyk sapaklary, tegelek stol gepleşikleri hem-de beýleki çäreleri guramak babatda hyzmatdaşlyk etmek üçin hemişe açykdyrys. Daşary ýurtly syýahatçylary we diplomatik wekilhanalary medeni atmosferadan lezzet alyp, kafe-galereýamyzda işewürlik duşuşyklaryny geçirmegi lezzetli tagamlar bilen utgaşdyrmaga çagyrýarys» diýip kafe-galereýanyň wekili pikirini paýlaşýar.

Amatly töleg ulgamynyň bolmagy dünýäniň islendik künjeginden stol sargyt edip goýmaga ýa-da banketiň tölegini geçirmäge mümkinçilik berýär.

Şeýle hem kafeden halaýan tagamlaryňyzy göni öýüňize sargyt edip bilersiňiz! Eltip bermek hyzmaty Aşgabat şäheriniň, welaýatlaryň çägine we hatda Dubaý şäherine hem amala aşyrylýar (has giňişleýin maglumat salgylanmada).

Täze ýyl baýramynyň öňüsyrasynda kafe baýramçylyk menýusy üçin özbaşdak sargytlary kabul edýär.

Durdy Baýramowyň adyny göterýän kafe-galereýa — ylhamyň joşýan ýeri! Bu ýerde her bir myhman çeper şekillendiriş sungatynyň dünýäsine aralaşyp biler, ýerli aşhananyň tagamlaryndan lezzet alyp, ýatdan çykmajak ýatlamalary döredip biler. Döredijiligiň täze serhetlerini açyp, hoşniýetli myhmansöýerlikden lezzet alyň!

Habarlaşmak üçin:

• ýerleşýän salgysy: Aşgabat ş., 8-nji kiçi etrapça, Binagärlik köçesi (Omskaýa), 58-nji jaý;
• telefon belgileri: (+993 63) 46 99 66, (+993 63) 50 87 20;
• sosial media ulgamyndaky sahypasy.