Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow 6-njy noýabrda geçirilen Döwlet howpsuzlyk geňeşiniň nobatdaky mejlisiniň barşynda «Türkmenistanyň kazyýetleriniň kazylaryny wezipä bellemek we wezipeden boşatmak hem-de olara hünär derejelerini bermek hakynda» Permana gol çekdi. Bu barada TDH habar berýär.

«Kazyýet hakynda» Türkmenistanyň Kanunynyň 54-nji, 72-nji we 83-nji maddalaryna laýyklykda kabul edilen Perman bilen:

Daýanç Jumageldiýewiç Owwadow Türkmenistanyň Ýokary kazyýetiniň başlygynyň orunbasary wezipesine bellenip, Lebap welaýat kazyýetiniň başlygy wezipesinden boşadyldy;

Gurbanguly Akmyradowiç Akmyradow Türkmenistanyň Arbitraž kazyýetiniň kazysy wezipesine bellenip, Balkan welaýat kazyýetiniň başlygy wezipesinden boşadyldy;

Aýly Gurbanmuhammedowiç Meretnyýazow Lebap welaýat kazyýetiniň başlygy wezipesine bellenip, Ahal welaýatynyň Ak bugdaý etrap kazyýetiniň başlygy wezipesinden boşadyldy;

Rahman Joragulyýewiç Hojiýew Mary welaýat kazyýetiniň başlygy wezipesine bellenip, Mary welaýatynyň Mary şäher kazyýetiniň başlygy wezipesinden boşadyldy;

Seýitjan Pirkulyýewiç Ýaňybaýew Daşoguz welaýat kazyýetiniň başlygynyň orunbasary wezipesine bellenip, Ahal welaýatynyň Sarahs etrap kazyýetiniň kazysy wezipesinden boşadyldy;

Amangeldi Döwletgeldiýewiç Allaberenow Aşgabat şäheriniň Köpetdag etrap kazyýetiniň başlygy wezipesine bellenip, Aşgabat şäher kazyýetiniň başlygynyň orunbasary wezipesinden boşadyldy;

Remezan Hojamuradowiç Hanow Mary welaýatynyň Mary şäher kazyýetiniň kazysy wezipesine bellenip, Lebap welaýatynyň Türkmenabat şäher kazyýetiniň administratiw we ýerine ýetiriş önümçiligi boýunça kazysy wezipesinden boşadyldy;

Hurma Gündogdy gyzy Hallyýewa Ahal welaýatynyň Ak bugdaý etrap kazyýetiniň administratiw we ýerine ýetiriş önümçiligi boýunça kazysy wezipesine bellenildi we oňa kazynyň 5-nji hünär derejesi berildi;

Hijran Togtamyradowiç Şükürow Mary welaýatynyň Mary etrap kazyýetiniň administratiw we ýerine ýetiriş önümçiligi boýunça kazysy wezipesine bellenildi we oňa kazynyň 5-nji hünär derejesi berildi.