20-nji oktýabrda Aşgabatda ýurt boýunça C5 + O.N.E. (Opening Networks through English) maksatnamasynyň üçünji tapgyryny gutaranlara şahadatnama gowşurmak dabarasy geçirildi.

Seminara Aşgabat, Balkan we Mary welaýatlaryndan 120-den gowrak gatnaşyjy we myhman gatnaşdy.

Bu waka dürli pudaklaryň hünärmenleriniň arasynda iňlis dilini ýokarlandyrmaga gönükdirilen maksatnamany durmuşa geçirmegiň möhüm görkezijisi boldy.

Bu ýylda 85 gatnaşyjy 9 aýlyk okuwy üstünlikli tamamladylar we okuwyny tassyklaýan şahadatnama aldylar. Olardan 68 uçurym eminler tarapyndan baha berlen 55 sany jemleýji işleri bilen çykyş etdiler we bäsleşigiň netijelerine esaslanyp, Daşkent şäherinde 17-nji dekabrdan 19-njy dekabr aralygynda geçiriljek “Geljegi şekillendirmek: C5+O.N.E. Merkezi Aziýa - ABŞ” atly ikinji halkara konferensiýa gatnaşmak üçin 35 sany gatnaşyjy saýlandy.

Konferensiýa gatnaşmaklyk, sebitiň durnukly ösüşi üçin täze meýilnamalaryň işlenip düzülmegine goşant goşar, alymlaryň, mugallymlaryň we ýaş hünärmenleriň arasynda tejribe alyşmaga mümkinçilik döreder.

Sentýabr aýynda birinji we ikinji tapgyry gutaranlar uçurymlar ilkinji sebitleýin konferensiýasyna gatnaşdylar.

C5+O.N.E. maksatnamasy Merkezi Aziýa ýurtlarynda dürli hünärleri boýunça başlangyç we orta derejeli hünärmenleriň arasynda iňlis dilini ösdürmäge gönükdirilen özboluşly maksatnama bolup durýar. Bu maksatnama, döwlet pudagynyň, jemgyýetçilik pudagynyň we hususy pudagyň energiýa we daşky gurşaw edaralarynyň wekillerine iňlis dilini ösdürmäge mümkinçilik berýär we gürleşmek ukyplaryny ösdürýär.

Maksatnama diňe bir sebitdäki bilim başlangyçlarynyň ähmiýetini nygtamak bilen çäklenmän, hünär ussatlygynyň ösmegine möhüm goşant goşmagyny dowam etdirmek bilen bir hatarda, Merkezi Aziýanyň hünärmenleriniň arasyndaky halkara aragatnaşygyň ýola goýulmagyna we energiýa we daşky gurşawy goramak ulgamynda tejribe alyşmagyna uly goşant goşýar.