Türkmenistanyň Prezidenti Arkadag şäheriniň ähli ulgamlaryny sazlaşykly we durnukly ösdürmek, ilatyň ýaşamagyna, zähmet çekmegine, dynç almagyna gönükdirilen amatlyklary yzygiderli üpjün etmek, ýaşaýyş-durmuş derejesini has-da ýokarlandyrmak maksady bilen, Permana gol çekdi. Resminama laýyklykda, Arkadag şäherini 2024 — 2052-nji ýyllarda ösdürmegiň Konsepsiýasy tassyklanyldy.

TDH-nyň habar bermegine görä, degişli ministrlikler, pudaklaýyn dolandyryş edaralary we Arkadag şäheriniň häkimligi Konsepsiýanyň amala aşyrylmagyny üpjün etmeli.