Aşgabadyň «Altyn asyr» futbol topary AFK-nyň ikinji derejeli Çempionlar ligasynyň birinji tapgyryndaky duşuşygyna Yragyň Bagdat şäherinde taýýarlyk görýär. Topar 18-nji sentýabrda ýerli «Eýr Fors» topary bilen oýnaşmak üçin düýn dostlukly döwlete geldi.

«Altyn asyryň» «Eýr Fors» bilen taryhy oýny 2018-nji ýylda bolup geçipdi, şonda «Altyn asyr» AFK-nyň kubogynyň finalynda oýnap, kümüş medal gazanypdy. Tälimçi Ýazguly Hojageldiýewiň ýolbaşçylygyndaky topar, şu günler Bagdatda ilkinji türgenleşiklerini geçirdi. 17-nji sentýabrda tälimçi bilen bir futbolçy metbugat ýygnanyşygyna gatnaşar.

18-nji sentýabrda Bagdatdaky «Al-Madina» halkara stadionynda geçiriljek duşuşyk Aşgabat wagty bilen sagat 23:00-da başlar.

«Altyn Asyryň» AFK-nyň ikinji derejeli Çempionlar ligasynda geljekde geçirjek duşuşyklarynyň tertibi:

2-nji tapgyr / 02.10.2024ý

Geçiriljek ýeri: «Aşgabat» stadiony, Aşgabat şäheri.

Başlanjak wagty: 19:00.

3-nji tapgyr / 23.10.2024ý.

Geçiriljek ýeri: «Patyşa Abdylla Sport siti» stadiony, Buraida şäheri.

Başlanjak wagty: 23:00.

4-nji tapgyr / 06.11.2024ý.

Geçiriljek ýeri: «Aşgabat» stadiony, Aşgabat şäheri.

Başlanjak wagty: 19:00.

5-nji tapgyr / 27.11.2024ý.

Geçiriljek ýeri: «Aşgabat» stadiony, Aşgabat şäheri.

Başlanjak wagty: 19:00.

6-njy tapgyr / 04.12.2024ý.

Geçiriljek ýeri: Bahreýn milli stadiony, Riffa şäheri.

Başlanjak wagty: 19:00.

Bellik: Ähli duşuşyklaryň başlanjak wagty Aşgabat wagty bilen görkezildi.