Girmek
Ganaly talyp bir sagatda iň köp gujaklanan agaçlaryň sany babatda täze dünýä rekordyny goýdy. Ýagny ekologiýany goraýjy bir sagadyň içinde 1123 daragty gujaklady, bu minutda 19 bag diýildigidir. Bu barada «MIR 24» ýazýar.
29 ýaşly Abubekir Tahyry munuň üçin Amerikanyň Alabama ştatyndaky Taskigi tokaýyny saýlap aldy. Ol ýerli uniwersitetde okaýar. Guramaçylaryň şertlerine laýyklykda, bagy iki eliň bilen berk bagryňa basmaly, şunda bir agajy bir gezekden artyk gujaklamak, olara zeper ýetirmek gadagandyr.
Talybyň aýtmagyna görä, onuň üçin iň kyny agaçlaryň arasynda ylgamak hem-de her bagy şerte laýyk gujaklamak bolupdyr.
Ol ýadandygyny gürrüň berdi. Özem şol wagt Abubekiriň Remezan aýy bolansoň, agzy bekli eken, ol gaty suwsapdyr diýip, Ginnesiň rekordlar kitabynyň saýtynda habar berilýär.